Sangang Puluh Sanga Asma (Syiiran Makna Asmaul Husna)

Berikut ini adalah syiir "Sangang Puluh Sanga Asma" dalam bahasa Jawa dan aksara pegon. Berisi terjemah 99 Asmaul Husna yang sangat masyhur dihapalkan oleh kaum muslimin.

Unduh file PDF syiir "Sangang Puluh Sanga Asma" (Makna Asmaul Husna) dengan klik TAUTAN INI

SANGANG PULUH SANGA ASMA

Amin Ya Allah

Ya Rohman Ya Rohim

Antal Jawwadul Halim

Wa Anta Ni'mal Mu'iin

Gusti Allah Ta'ala

Gadhah Asmaul Husna

Prayoga diapalna

Kang sangang puluh sanga

Kula nyuwun kelawan

Asma indah Pangeran

Mugiya Panjenengan

Maringi kasembadan

Ya Rohman mahawelas

Ing sedaya kawula

Ya Rohim mahaasih

Ing akherat belaka

Ya Malik maharaja

Ngratoni alam raya

Ya Quddus mahasuci

Saking pangira-ira

Ya Salam sejahtera

Saking cacat lan cela

Ya Mukmin paring aman

Ayem tentrem kawula

Ya Muhaimin kang maha

Ngopeni ngupakara

Ya 'Aziz maha menang

Mahaagung lan jaya

Ya Jabbar mahameksa

Maha murbamesesa

Mutakabbir gumede

Digdaya saknyatane

Ya Kholiq kang mujudke

Ingkang maha panyipta

Ya Bari ndadosake

Kang asal ora nana

Ya Mushowwir pangrupa

Makhluk kang rupa-rupa

Ya Ghoffar ingkang kathah

Maringi pangapura

Ya Qohhar mahagagah

Kagungan kaperkasan

Ya Wahhab dzat kang kathah

Maringi kanugrahan

Ya Rozzaq mahaparing

Sarta andum rejeki

Ya Fattah maha mbuka

Sedaya kang kekunci

Ya 'Alim mahapirsa

Maha nginaweruhi

Ya Qobidh maha ngeker

Ngrupekaken rejeki

Ya Basith banget gampang

Damel jembar rejeki

Ya Khofidh uga gampang

Oleh ngasorke aji

Ya Rofi' ngunggahake

Kamulyane pamuji

Ya Mu'izz ngaluhurke

Pangkate wong suwiji

Ya Mudzill ndadosake

Pangkat ina lan nista

Ya Sami' mahamireng

Krenteg ati kawula

Ya Bashir kang mirsani

Tanpa butuh ing netra

Ya Hakam kang mutusi

Tingkah laku kawula

Ya 'Adlu mahaadil

Jejeg hukum-hukume

Ya Lathif maha melas

Alus ing patrapane

Ya Khobir banget pirsa

Kahanan jero njaba

Ya Khalim maha aris

Banget loman lan derma

Ya 'Azhim mahaagung

Luhur dzat lan sifate

Ya Ghofur dzat kang maha

Kathah pangapurane

Ya Syakur mahanampa

Amal becik kawula

Ya 'Aliy mahaluhur

Dhuwur pangkat sampurna

Ya Kabir maha ageng

Kraton lan kuasane

Ya Hafidz maha ngreksa

Kang njaga kawulane

Ya Muqit paring pangan

Kang paring pikuwatan

Ya Hasib kang nyukupi

Sarta nimbang amalan

Ya Jalil mahaluhur

Gagah agung sampurna

Ya Karim mahamulya

Kathah peparing derma

Ya Roqib maha titi

Ngawasi tingkah kita

Ya Mujib maha waleh

Nyembadani dedunga

Ya Waasi' maha jembar

Rahmat lan kanugrahan

Ya Hakim wicaksana

Adil sae patrapan

Ya Wadud maha tresna

Ndamel sae kahanan

Ya Majid dzat kang maha

Nggadhahi kautaman

Ya Baa'its Gusti maha

Nangiake kang mati

Ya Syahid banget cetha

Nyakseni ngudaneni

Ya Haqqu kang sejati

Hakekat kang niscaya

Ya Wakiil kang ngurusi

Pamasrahing kawula

Ya Qowiyy mahakuat

Dzat kang paling kuasa

Ya Matin mahakokoh

Dzat kang paling perkasa

Ya Waliyy kang nulungi

Nglindhungi lan ngayomi

Ya Khamid kang pinuji

Kanthi kabeh pepuji

Ya Mukhshi maha ngitung

Amal kanthi pertela

Ya Mubdi kang ngawiti

Panyipta awal mula

Ya Mu'iid kang mbalekke

Dadi kaya asale

Ya Mukhyii kang nguripke

Paring nyawa makhluke

Ya Mumiit gawe pati

Megat nyawa lan sukma

Ya Khayyu maha gesang

Tanpa jiwa lan raga

Ya Qoyyum maha jejeg

Tanpa butuh ing liyan

Ya Waajid mahanemu

Kang tanpa kabutuhan

Ya Maajid mahamulya

Kagungan kautaman

Ya Waahid maha tunggal

Ingkang tanpa tandingan

Ya Ahad kang suwiji

Tanpa anak wong tuwa

Ya Somad kang den seja

Gumantunge kawula

Ya Qoodir kang kuasa

Kersa tanpa kapeksa

Ya Muqtadir kang maha

Nemtoake pranata

Ya Muqoddim kang kersa

Nyedakke ndinginake

Ya Muakhkhir kuasa

Ngadohke ngakhirake

Ya Awwal maha awal

Dingin tanpa kawitan

Ya Akhir maha akhir

Langgeng tanpa pungkasan

Ya Dzohir kang pertela

Kang cetha wela-wela

Ya Bathin maha samar

Ora tinemu indra

Ya Waali maha ngatur

Nguasani perkara

Ya Muta'ali kang luhur

Dhuwur derajat mulya

Ya Barru kang mbagusi

Damel bagus perkara

Ya Tawwab maha kathah

Nampi tobat kawula

Ya Muntaqim kang nyiksa

Mbalesi dosa-dosa

Ya 'Afuwwu kang nampa

Ingkang maha ngapura

Ya Rouf maha loma

Kang paring kawelasan

Malikul Mulki maha

Raja sedaya krajan

Dzul jalali wal ikrom

Agung saha digdaya

Ingkang paling kamulyan

Utama lan sampurna

Ya Muqsit kang nengahi

Ingkang maha mutusi

Ya Jaami' ngumpulake

Kang pisah dadi siji

Ya Ghoniyy mahasugih

Ora butuh liyane

Ya Mughni dzat kang maha

Aweh lan nyugihake

Ya Maani' maha nyegah

Saking bebayan susah

Ya Dhoor kang mlarati

Kanthi siksa abadi

Ya Naafi' ingkang maha

Maringi migunani

Ya Nuur maha cahya

Pepadhang kang sejati

Ya Haadi maha paring

Pituduh lampah dalan

Ya Badii' maha damel

Ingkang tanpa bandingan

Ya Baaqi maha langgeng

Saklawase abadi

Ya Waarits kang marisi

Rikala pada mati

Ya Rosyid mahanuntun

Damel pinter nuduhi

Ya Shobur maha sabar

Dumateng kita iki

Berkat Asmaul Husna

Mugi Allah Ta'ala

Ngampura dosa-dosa

Ngijabah donga-donga

Sehat lan istiqomah

Rejeki turah berkah

Mati khusnul khotimah

Langgeng ingdalem jannah

Sedaya puji syukur

Dumateng Gusti Allah

Shalawat salam katur

Muhammad Rasulullah

__

Zia bin Taufik al-Jawi

Kalibening, Rajab 1443

Unduh file PDF syiir "Sangang Puluh Sanga Asma" (Makna Asmaul Husna) dengan klik TAUTAN INI

Semoga bermanfaat. Syiiran ini boleh dicetak, ditembangkan, diajarkan, atau disebarluaskan untuk kepentingan dakwah dan tarbiyah. Mohon doa dan Fatihah untuk penyusun. Terima kasih.